E pā ana ki te Maumaharatanga ā-Tuihono
He maumahara oranga tonutanga te Maumaharatanga ā-Tuihono a Tāmaki Paenga Hira ki te hunga i whakauru ki ngā ope taua o Aotearoa i ngā wā pakanga ā-ao.
He kaupapa ā-motu, he putu raraunga tūturu te Maumaharatanga ā-Tuihono e whakaae ana i ngā kairangahau, te hunga rikarika, me ngā ika a Whiro me ō rātou whanau ki te tōmene, ki te whai wāhi ki, me te tuari i ngā mauhanga me ngā kōrero a te hunga i whakauru ki ngā ope taua o Aotearoa.
He mea whakawhanake mai i te tau 1996, ko te Maumaharatanga ā-Tuihono kei te tō mai i ngā pārongo e pā ana ki ia tangata me ia ope taua mai i ngā mātāwai whānui, ngā mauhanga hōia me ētahi atu mauhanga kāwanatanga, ngā nūpepa, tae noa ki ngā pārongo a ngā whanau me ngā rōpū hapori. A tōna wā ka uru katoa ngā pārongo mō ia tangata i uru ki te mahi hōia mō te motu ki te putu raraunga.
He tikanga whakapūmau maumahara mō Aotearoa
Ko te tirohanga matua a te Maumaharatanga ā-Tuihono ko te hunga i uru ki ngā ratonga Mau pū me ngā tāpiritanga tautoko i ngā pakanga i whai wāhi atu i a Aotearoa tae noa mai ki Afghanistan.
![He tapanga mātātuhi: Kei te noho tōku tipuna a Kakepare Tariu ki mua, kei runga te piukara i tōna pona. Ko tōna tuakana/tāina rānei ko Okore Tariu kei te taha katau, tuarua i te rārangi tuatoru mai i mua.]()
He tapanga mātātuhi: Kei te noho tōku tipuna a Kakepare Tariu ki mua, kei runga te piukara i tōna pona. Ko tōna tuakana/tāina rānei ko Okore Tariu kei te taha katau, tuarua i te rārangi tuatoru mai i mua.
Nā Ukarau Francis tēnei whakaahua i koha mai. 23 Aperira 2015.Te āhua nei karekau he herenga manatārua.
He tikanga whakapūmau maumahara mō Aotearoa
Ka āhei te katoa ki te tuari i o rātou mōhiotanga ki te tauoranga o tētahi ika a Whiro mā te tuhi atu ki te whārangi o taua tangata. Kei te pohiri te Maumaharatanga ā-Tuihono i te tāpaetanga pārongo, ngā kōrero e whakaahua mai ana i ngā matawhaiaro wheako o te hunga hōia o Aotearoa. Kei te kaingākau mātou kia tāpirihia mai e te hunga hōia nei ā rātou anō pārongo.
Paearu
Kia uru ai ki te Maumaharatanga ā-Tuihono me uru te tangata ki ngā ope taua o Aotearoa i tae ki ngā pakanga, i whānau mai rānei i Aotearoa, i noho roa rānei ki Aotearoa i mua i te kuhunga ki ngā ope tauā o tāwāhi. He take matua i tae rātou ki tētahi pakanga, whawhai, kauhanga riri rānei e āhei rātou ki te whiwhi mētara.
Ka taea e koe te pānui i te nuinga o tā mātou Kaupapa Here Kohokohinga i konei.